АН иргэн бүр 1.2 сая төгрөг олгох шаардлага хүргүүлнэ гэв

АН-ын нарийн бичгийн дарга О.Магнай өнөөдөр мэдээлэл хийж Ерөнхий сайд У.Хүрэлсүхэд шаардлага хүргүүлэх болсон тухайгаа мэдэгдлээ. Тэрбээр АН-аас ийнхүү шаардлага хүргүүлэх болсон үндэслэлийг “Эдийн засгийн нөхцөл байдал хүндэрч байгаатай холбоотойгоор иргэн бүрт нэг сая 242 мянга 721 төгрөгийг дөрөвдүгээр сарын эхний долоо хоногт багтаан олгохыг шаардаж байна. Бусад улс орнууд иргэддээ бэлэн мөнгө олгох шийдвэр гаргаад байна. Манай улс энэ бүгдээс хоцорч болохгүй. 2020 оны төсөвт хөрөнгө оруулалтын төслүүд их бий. Энэ төслүүдээ хойшлуулж иргэддээ бэлэн мөнгө тарааж эдийн засаг дахь мөнгөний урсгалыг нэмэгдүүлэх хэрэгтэй” хэмээн тайлбарлажээ.