COVID-19-ийн халдвар авсан хүмүүсийг уламжлалт монгол эмээр эмчлэхэд өвчний шинж тэмдэг маш түргэн арилсны зэрэгцээ дархлааг дэмжихэд онцгой ач тустай байсан нь эмчилгээний явцад батлагдсан хэмээн Өвөрмонголын олон улсын монгол эмнэлгийн орлогч дарга Чень Сарнай мэдэгджээ. Тэрбээр ӨМӨЗО-ы COVID-19-ийн халдвараас сэргийлэх, хянах, удирдах комиссын монгол, хятад анагаах ухаанаар эмчлэх мэргэжилтнүүдийн багийн орлогч дарга юм байна. Тус комиссоос хийлгэсэн хэвлэлийн бага хурал дээр дээрх мэдэгдлийг хийсэн байна.
ӨМӨЗО-ы Тунляо хотод бүртгэгдсэн COVID-19-ийн долоон тохиолдол болон Бугат хотод бүртгэгдсэн хоёр тохиолдолд монгол, европ эмийг уялдуулан хэрэглэснээр богино хугацаанд илааршсан байна. Мөн COVID-19-ийн халдвар авсан байх магадлалтай найман тохиолдол нь ч монгол анагаахын эмчилгээгээр бүрэн эдгэрч эрүүлжжээ. Монгол эмийг хэрэглэснээр гормоны төрлийн эм бэлдмэл болон нян дарагчийн сөрөг нөлөөнөөс зайлсхийж чадсан аж.
Тиймээс ХКН-ын ӨМӨЗО-ы бүх шатны хороо, засаг захиргаа болон тахлаас сэргийлэх ажлыг удирдан зохион байгуулах комиссоос монгол уламжлалт анагаах ухааныг машид хүндэтгэн үзэж, ӨМӨЗО-ы эрүүлийг хамгаалах зөвлөлөөс COVID-19-ийн халдварыг монгол уламжлалт эмчилгээгээр анагаах, урьдчилан сэргийлэх талаар төсөл хөтөлбөр хэрэгжүүлэн ажилласнаар ӨМӨЗО-д бүртгэгдсэн өвчний тохиолдлууд бүгд эдгэсэн байна.
Өвөрмонголын Үндэсний их сургуулийн харъяа эмнэлэг нэгдүгээр сарын 25-ны өдөр ӨМӨЗО-ы Тунляо хотод анхны халдварын тохиолдлыг дээрх зөвлөлөөс гаргасан хөтөлбөрийн дагуу монгол эмээр эмчилсэн бөгөөд хоёр цагийн дотор өвчтөний биеийн халуун алгуур буурч, амьсгалын бэрхшээл, тамирдах зэрэг шинж тэмдэг арилж, зовиур нь багассан байна.
COVID-19-ийн халдвараас сэргийлэх ажлын удирдах комиссын монгол, хятад анагаах ухааны мэргэжилтнүүдийн багийн орлогч дарга, ӨМӨЗО-ы хятад эмнэлгийн хорооны орлогч дарга Сүхээ хэлэхдээ, Өвөрмонголын хэмжээнд COVID-19-ийн халдвар авсан 74 өвчтөнд монгол европ, хятад европ эмчилгээг уялдуулснаар монгол хятад уламжлалт анагаах ухааны COVID-19-гийн эсрэг эмчилгээний чадамж нь 98.7 хувьд хүрсэн гэжээ.
Эх сурвалж: http://mn.cctv.com
