Шударга өрсөлдөөн, хэрэглэгчийн төлөө газрын улсын байцаагчид нийслэлийн зургаан дүүрэгт үйл ажиллагаа явуулж буй хүнсний дэлгүүр, эмийн сангуудаар явж хяналт судалгааны ажлуудыг тогтмол зохион байгуулж байгаа ажээ. Газар дээрх нөхцөл байдалтай танилцахад дэлгүүрүүдээр худалдан борлуулагдаж буй нөөцийн мах нь Засгийн газраас тогтоосон үнэ тарифаар, ямар нэгэн хомсдол үүссэн, дууссан гэсэн зүйлгүй худалдаалагдаж байгааг тогтоожээ. Харин зарим эмийн сан бараа, бүтээгдэхүүнийхээ үнийн мэдээллийг ил тод байршуулаагүй, хэрэглэгчийн сонголт хийх эрхийг хангаагүй байсан тул зөрчлийг газар дээр нь арилгуулж шаардлага тавин ажилласан байна.
Нийт иргэд, хэрэглэгчид худалдан авалт хийхдээ аль болох хямд, чанар, аюулгүйн баталгаа хангасан бараа, бүтээгдэхүүн худалдан авч үйлчлүүлэхийг Шударга өрсөлдөөн, хэрэглэгчийн төлөө газраас зөвлөж байна.
