Токио-Улаанбаатар чиглэлийн тусгай үүргийн онгоц “Чингис хаан” олон улсын нисэх онгоцны буудалд 20.54 цагт газарджээ. Энэхүү онгоцоор Монгол Улсын 257 иргэн эх орондоо ирсэн байна. Эдгээр иргэдийг Цэргийн төв эмнэлэг, ХӨСҮТ болон ОБЕГ-ын харьяа Жаргалантын сувилал, “Наранбулаг” амралтын газарт хуваарилан 14 хоногийн хугацаанд тусгаарлах юм.
Улсын онцгой комиссын шийдвэрээр хилийн чанадад байгаа монгол иргэдээ эх оронд нь авчрахаар болсон бөгөөд өчигдөр буюу гуравдугаар сарын 15-нд БНСУ-аас 246, өнөө өглөө Германаас 231 иргэнээ тусгай үүргийн онгоцоор авчирсан юм.
