Лондонд сурдаг хятад гаралтай сингапур оюутан, 23 настай Жонатан Мок арьс өнгөөр ялгаварлан гадуурхах үзэлтнүүдийн дайралтад өртжээ. Энэ талаараа Мок даваа гаригийн өглөө 9.15 цагт олон нийтийн сүлжээнд нийтэлжээ. Тэрбээр Их Британийн нийслэл хотын төвд байрладаг хөл хөдөлгөөн ихтэй худалдааны газар болох Оксфорд гудамжинд хэсэг бүлэг хүмүүс өөр рүү хэрхэн халдсан талаар дэлгэрэнгүй бичсэн байна. Энэхүү халдлага хоёрдугаар сарын 24-ний өглөөний 4.15 цагт болжээ.
Жонатан Мок баруун нүд нь хавдаж хөхөрсөн зургаа олон нийтийн сүлжээнд нийтэлж “Энэ зургийг халдлагын дараах өдөр авсан. Энэхүү дайралт нь Их Британи болон дэлхийн өнцөг булан бүрт Зүүн Азийн дүр төрхтэй хүмүүсийн эсрэг үзэн ядалт, гадуурхалт ихэсч байгааг харуулж байна. Намайг өшиглөх гэж оролдсон залуу “Танай коронавирусийг бид хүсэхгүй байна” гэж хэлсэн” хэмээн Мок бичжээ.
Гэмт этгээдүүүд Мокийн нүүрэнд хүндэвтэр гэмтэл учруулсан бөгөөд хэд хэдэн мэс засал хийлгэж магадгүй байгааа гэнэ. Лондон хотын цагдаагийн газар мэдэгдэлдээ Мокийн эсрэг “арьс өнгөөр ялгаварлан гадуурхсан” хэргийг шалгаж байгаа гэдгээ баталжээ. Мок сүүлийн хэдэн долоо хоногт арьс өнгөөр ялгаварлан гадуурхах үзлийн золиос болсон анхны тохиолдол биш аж. Коронавирусийн халдвар дэлхий нийтэд тархснаас хойш Их Британид ази гаралтай иргэдийг гадуурхах, үзэн ядах хандлага газар авч, тэдэнд халдсан хэд хэдэн тохиолдол бүртгэгджээ. Тиймээс тус улсад олон нийтийн байгууллагуу “Stop hate UK” гэсэн уриалга гаргаад буй гэнэ.
Эх сурвалж: edition.cnn.com
