Коронавирусийн халдварын улмаас 2020 оны Токиогийн олимпийн наадам цуцлагдах эрсдэлд тулгарч байгаа эсэх талаар ДЭМБ-ын эрүүл мэндийн яаралтай тусламжийн хөтөлбөрийн мэргэжилтэн Майкл Райан хэлэхдээ, одоогоор бүх том хэмжээний хурал чуулган, үйл ажиллагаа шинэ төрлийн коронавирусийн халдварын эрсдэлд тулгарч байгаа хэдий ч Токиогийн олимпийн хороо бэлтгэл ажлаа хэвийн үргэлжлүүлж байна. Ойрын үед Токиогийн олимпийн наадмын товлосон хугацааг өөрчлөх эсэх талаар ямар ч шийдвэр гарахгүй гэжээ.
Майкл Райан хэлэхдээ, ДЭМБ Олон улсын олимпийн хороо, Токиогийн олимпийг зохион байгуулах хороотой нягт хамтран ажиллаж, эрсдэлийн үнэлгээ, эрсдэлийн менежментийн зөвлөгөөг өгч байгаа. Өмнө нь олимпийн наадмын үеэр өвчин тахал дэлгэрч байсан бөгөөд олон үйл ажиллагааг зохих эрсдэлийн удирдлага дор зохион явуулсан туршлага буй юм. Олон улсын олимпийн хороо болон Токиогийн олимпийн хороонд ДЭМБ санал зөвлөгөө өгч байх болно гэжээ.
Эх сурвалж: http://mongol.cri.cn
