Дэлхийн алдарт “Versace” брэнд коронавирустэй тэмцэхэд туслах зорилгоор Хятадын Улаан Загалмайн нийгэмлэгт нэг сая юань буюу 143 мянган ам.долларын хандив өргөжээ. Энэхүү хандиваар эм тариа болон амны хаалтын хангамжийг нэмэгдүүлэх юм байна. “Шинэ коронавирусийн халдвар аваад буй өвчтөнүүд болон тэдний гэр бүлийнхний төлөө маш их санаа зовниж байна. Тусламж хэрэгтэй хүмүүст хандив өргөхийг уриалж байна” хэмээн Донателла Версаче ярьжээ.
Дашрамд дурдахад, “Kering”, “LVMH”, “Swarovski”, “Alibaba” зэрэг томоохон компаниуд коронавирусийн эсрэг тэмцэхэд хандив өргөөд байгаа билээ.
