Түлшний нийлүүлэлтийн доголдол авто тээврийн зах зээлд нөлөөлж эхэлжээ. ОХУ-д хамгийн их хүндрэл өмнөд бүс нутгуудад ажиглагдаж байна.
Хятадын чиглэлийн тээвэрлэлтийн хувьд өдөрт туулах замын хэмжээ, рейсийн давтамж болон урьдчилан таамаглах чадвар буурч, шатахуун түгээх станцуудад хүлээх хугацаа хэдэн өдөр хүртэл сунжирч байгаа аж.
“Sigma” компанийн төлөөлөгчид “Коммерсантъ” сонинд мэдээлснээр, авто тээвэрлэгч түншүүдээсээ 7 дугаар сарын 1-нээс эхлэн тарифыг дор хаяж 10 хувиар нэмэгдүүлэх тухай мэдэгдэл хүлээн авчээ.
“VIG Trans” компанийн мэдээлснээр дотоодын тээврийн тариф одоогоор харьцангуй тогтвортой байгаа боловч Сибирь, Оросын өмнөд бүс болон зарим хилийн бүсэд шатахуун түгээх хязгаарлалт, түлш нийлүүлэлтийн тасалдал гарч байна.
Олон улсын болон ТУХН-ийн орнуудын тээврийн хувьд дизель түлшний үнэ нэмэгдэж 1 литр тутамд 77–90 рубль хүрсэн бөгөөд зарим тээвэрлэгчид нэмэгдсэн зардлаа тарифдаа тусгаж эхэлснээр үнэ бараг 5 хувиар нэмэгджээ.
“Байт Транзит” компанийн мэдээлснээр Крым болон өмнөд бусад бүс нутагт байдал илүү хүндэрч байна. Мөн “ПЭК” компанийн мэдээлснээр шатахуун түгээх станцуудын дарааллаас шалтгаалан Краснодарын хязгаар болон Крым рүү хүргэх хугацаа уртасч болзошгүй байна.
“AKFA” компанийн мэдээлснээр түлшний доголдол үргэлжилж буй өнгөрсөн 7 хоногийн хугацаанд Хятадын чиглэлд нэг автомашины тээврийн үнэ 50–70 мянган рублиэр өссөн бөгөөд Манжуураас Москва хүртэл ачааны автомашин хүргэх жишиг тариф 760–830 мянган рублиэр нэмэгдсэн байна.
Эх сурвалж: Коммерсантъ
