“Малчны тухай хуулийн хэрэгжилтийг дүгнэх, хууль тогтоомжийг хэрэгжүүлэх чиг үүрэг бүхий байгууллага, түүний удирдах албан тушаалтны үйл ажиллагаанд хяналт тавих, үнэлэх” сэдвээр ерөнхий хяналтын сонсгол өнөөдөр эхэллээ. Хоёр өдөр зохион байгуулагдах энэхүү сонсголыг УИХ-ын гишүүн Ж.Бат-Эрдэнэ даргалж байна.
Малчны тухай хууль 2026 оны нэгдүгээр сарын 1-нээс хэрэгжиж эхэлсэн. Уг хуульд малчдаа дэмжих олон бодлого, зорилт, арга хэмжээг хэрэгжүүлэхээр хуульчилсан хэдий ч хэрэгжилт хангалтгүй байгаа учраас ийнхүү ерөнхий хяналтын сонсголыг зохион байгуулж байгаа юм.
Сонсголд иргэд, тэр дундаа малчид идэвхтэй оролцож, биечлэн оролцоогүй нь асуулт, саналаа цахимаар ирүүлэх боломжтой. Хуулийн хэрэгжилтийг хангах үүрэгтэй төрийн байгууллага, холбогдох албан тушаалтнууд хоёр өдөр үргэлжлэх сонсголын үеэр тодорхой хариулт, мэдээлэл, тайлбарыг өгч байна.
