УИХ-ын чуулганы нэгдсэн хуралдаанд Ерөнхий сайд цаг үеийн асуудлаар мэдээлэл хийдэг байсныг өөрчилж “Асуулгын цаг” болгосон юм. Асуулгын цагаар УИХ дахь цөөнхийн бүлэг Ерөнхий сайдад тавих асуултын сэдэв, агуулгыг бэлдэж, урьдчилан хүргүүлдэг болсон. Энэ дагуу 2026 оны 6-р сарын 26-ны баасан гарагт УИХ-ын ээлжит Асуулгын цагаар “Нийгмийн халамж уу, нийтийн халамж уу?” сэдвээр мэтгэлцэхээр Ардчилсан намын бүлэг саналаа хүргүүлжээ.
Энэ сэдвийн хүрээнд УИХ дахь АН-ын бүлгийн дарга О.Цогтгэрэл болон тус бүлгийн П.Батчимэг, Ц.Баатархүү, Б.Жаргалан, Ц.Мөнхтуяа, Р.Сэддорж, Д.Цогтбаатар, С.Цэнгүүн, Ө.Шижих, С.Эрдэнэболд, МАН-ын бүлгийн Л.Соронзонболд, Ж.Галбадрах, ХҮН намын зөвлөлийн Г.Уянгахишиг, Л.Энхнасан нарын гишүүд Ерөнхий сайд Н.Учралаас Засгийн газраас нийгмийн халамжийн чиглэлээр баримталж буй бодлогын талаар асуулт тавих юм байна.
