Хакүхо М.Даваажаргал башёг орхилоо

Японы мэргэжлийн сүмогийн өнгөрсөн оны арваннэгдүгээр сарын кюүшюү башёд түрүүлсэн их аварга Хакухо М.Даваажаргал өнөөдөр хацү башёгийн дөрөв дэх өдрийн барилдаанд өвдөг шороодон, бэртэл нь сэдэрсний улмаас цааш барилдах боломжгүй боллоо.
Эдүгээ 34 настай тэрбээр ням гаригт эхэлсэн хацү башёд түрүүлж сүмогийн үнэмлэхүй дээд амжилтаа шинэчлэн 44 дэх түрүүгээ авч карьераа улам ахиулах эрмэлзэлтэй байсан боловч зорьсондоо хүрч чадсангүй.
Хакүхо М.Даваажаргал их аваргын дэвжээний багш Миягино ояакатагийн хэлснээр Хакухо мягмар гаригийн барилдаанд баруун хөлөө бэртээжээ. Даваа гаригт Эндотой барилдахдаа дохио руу унахдаа үрэвсэлтэй байсан хөлийн бэртлээ сэдрээсэн аж.
Хакухо М.Даваажаргал их аваргын эзгүйд Токиогийн “Рёококу Кокугикан” ордонд үргэлжлэх хацү башёг Какүрюү М.Ананд их аварга ганцаар тэргүүлэх болж байна.