“Эрдэнэс Монгол” нэгдэл “Олборлолтоос үйлдвэрлэл рүү” зорилтын хүрээнд хүний нөөцөө бэлтгэж эхэллээ. Ирэх жилүүдэд газрын тос боловсруулах үйлдвэр, гангийн үйлдвэр, зэс хайлуулах үйлдвэр, нүүрс пиролизын үйлдвэр, аж үйлдвэрийн паркууд байгуулагдана. Эдгээр төслүүд бодит ажил болоход монгол хүн Монголдоо ажиллах боломж бүрдэх юм.
“Эрдэнэс Монгол” нэгдлийн захирал Б.Даваадалай ШУТИС, МУИС, Монгол-Германы хамтарсан ашигт малтмал технологийн их сургуультай хамтран судалгаанд суурилсан үйлдвэрлэл, бодит инженерчлэл, олон улсын стандарт, ирээдүйн мэргэжилтэн бэлтгэх тогтолцоог хамтран хөгжүүлэх санамж бичиг байгууллаа.
