Saturday, November 21, 2026

“Холын цагаан манан” кино эрүүл мэндийн салбарын бодит үнэнийг харуулна

Date:

Урлаг гэдэг тухайн нийгмийн үр жимс байдаг. Нэг ёсондоо нийгмийн тусгал. Тэндээс бид өөрсдийн сэтгэхүй, аж байдал, туулж буй цаг үеийнхээ бадрал, доройтлыг харж болно. Тэгвэл “Холын цагаан манан” уран сайхны кинонд орон нутгийн эмнэлгийн бодит орчин, эмч хүний ажил мэргэжлийн онцлог зэрэг салбарын хүрээнд тохиолддог асуудлыг өргөн цар хүрээтэй хөндөхөөс гадна өгүүлэмжийн дотор хувь хүний дотоод тэмцэл, амьдрал дахь сонголтын хүнд мөчүүдийг багтаажээ.

Тус драм төрлийн бүтээлийн зохиолыг Төрийн шагналт, СГЗ яруу найрагч Ш.Гүрбазар бичсэн байна. Харин ерөнхий найруулагчаар Н.Даваадорж, продюсераар Г.Оюунжаргал нар ажиллажээ. Киноны зураг авалтыг Хөвсгөл аймагт хийсэн бөгөөд  голд дүрд СТА С.Болормаа, Ц.Ганзориг, жүжигчин С.Хонгорхүү, У.Учрал нар тоглосон бол МУГЖ Г.Золбоот мөн дүр бүтээсэн байна.

Уг киног “Хоймор Алтан бар” ХХК болон “Born film” хамтран бүтээсэн бөгөөд киноны зөвлөхөөр АЖ, найруулагч Ч.Найдандорж ажиллажээ.

“Холын цагаан манан” бүтээлээр эрүүл мэндийн салбарынхны амьдралд тохиолддог зовлон жаргал, баяр гунигийг үзүүлэхийг зорьжээ. Үйл явдлын хувьд мэс заслын эмч мэргэжлээр гадаадад суралцан төгссөн Мөрөн хэмээх залуу эмч эх орондоо эргэн ирж, төрж өссөн нутгийнхаа эмнэлэгт ажиллаж эхэлнэ. Тэрээр эмч хүний мэргэжлийн хатуу сорилт, ёс зүйн зөрчил, хувь тавилангийн гашуун үнэнтэй нэгэн зэрэг нүүр тулах юм.

Бүтээлийг “Homemedia”, “Metamedia”, “Ori”, “Showbox” “Somedia” “88Film” зэрэг IPTV-ий сувгуудаас хүлээн авч үзэх боломжтой.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Монгол Улсын Ерөнхийлөгчийг үүрэгт ажлаас нь чөлөөлөв

Монгол Улсын Ерөнхийлөгчийг хүсэлтийнх нь дагуу үүрэгт ажлаас нь...

Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг

Монгол Улсын Ерөнхийлөгч Ухнаагийн Хүрэлсүх төрийн тэргүүн рүү чиглэсэн...

Хөрөнгө хураах тухай хуулийн төслийг УИХ-д өргөн барина

Монгол Улсын Ерөнхий сайд Н.Учрал өнөөдөр хэвлэл мэдээллийнхэнд хийсэн...

Эгийн голын УЦС төслийг байгаль орчинд сөрөг нөлөөгүй хэрэгжүүлэх боломжтой гэсэн урьчилсан дүгнэлт гарчээ

Монгол, Оросын эрдэмтдийн хамтарсан судалгаагаар Эгийн голын усан цахилгаан...