“Physical Asia”-д оролцсон Монголын багийнхан Хятадын цахим сүлжээнд од болж байна

“Physical Asia” шоунд хоёрдугаар байр эзэлсэн улсын арслан Б.Орхонбаяр ахлагчтай Монголын багийнхан БНХАУ-ын олон нийтийн сүлжээнд од болж байгаа ажээ. Тэр тусмаа Монгол Улсын Гавьяат жүжигчин Э.Лхагва-Очир Хятадын цахим орчинд охид бүсгүйчүүдийн краш болжээ. Түүний талаарх постууд хэдэн саяараа хөвөрч байгаа аж. Мөн Адъяасүрэн, Орхонбаяр, Энх-Отгон нар ч хэдэн арван сая фэнтэй болжээ. “Монголын баг бидний хувьд түрүүлсэн” гэсэн сэтгэгдлүүд цөөнгүй байгаа гэнэ.