Улаанбаатар хотын төвлөрлийг сааруулах “20 минутын хот” хөгжлийн концепцийн нэг болох “Нэгдүгээр тойрог зам” төслийн гүйцэтгэгчийг сонгон шалгаруулах Олон улсын нээлттэй тендэрийг “Түлхүүр гардуулах нөхцөлтэй, санхүүжилттэй хамтарсан” буюу EPC+F (Engineering, Procurement, Construction and Financing) хэлбэрээр зарлажээ. Энэ хүрээнд тендерт шалгарсан гүйцэтгэгч компани нь төслийн зураг төсөл боловсруулах, барилга угсралт, тоног төхөөрөмжийн ханган нийлүүлэлт болон санхүүжилтийг бүрэн хариуцан хэрэгжүүлэх үүрэгтэйгээр ажиллах юм. Төслийн нээлттэй тендерийг 2025 оны 11 дүгээр сарын 10-ны өдөр нээхээр ажиллаж байна.
Нэгдүгээр тойрог замын нийт урт 24.7 км бөгөөд үүнээс далангийн урт 13.679 км, гүүрний урт 9 км байна. Энэхүү төслийг хэрэгжүүлснээр шууд бусаар нийт 14160 ажлын байр бий болж байнгын 3540 ажлын байр бий болох төдийгүй 3000 яндан буурах урьдчилсан тооцоо гарсан байна.
Тойрог зам нь нийтийн тээвэр, явган хүний зам болон дугуйн замын сүлжээг уялдуулах, ногоон байгууламж нэмэх, шинэ эдийн засгийн бүс үүсгэх зэрэг боломжийг бүрдүүлдэг ач холбогдолтой.
