Монголын эмэгтэйчүүдийн сагсан бөмбөгийн шигшээ баг FIBA “Women’s Asia Cup” Division B тэмцээний эхний тоглолтдоо 2023 оны Азийн аваргын В дивизоны хүрэл медалийн эзэдс Тайландын багийг 81-74 харьцаатай буулган авч, тэмцээнийг ялалтаар эхлүүлсэн. Тэмцээний хоёр дахь тоглолтоо 2023 оны Ази тивийн аварга шалгаруулах тэмцээний В дивизонд мөнгөн медаль хүртсэн Иран улсын шигшээ багийн эсрэг хийнэ. Хоёр багийн тоглолт маргааш 13:30 цагаас эхэлнэ.
Тоглолтын шилдэг: Нандинхүсэл
Статистик:
19 оноо, 3 самбар, 7 оновчтой дамжуулалт, довтолгоо 6/8
Тэрбээр бүх талт манлайлан тоглож, довтолгооны гол цөм болсон юм. Хурд, шийдэмгий байдал нь багийнханд урам өгч, ялалтын түлхүүр болжээ. Энэхүү ялалт нь зөвхөн оноо бус, сэтгэл зүрхний ялалт байлаа. Багийн тоглогч бүр хамгаалалт, сэтгэл зүйгээрээ тун сайн ажиллаж, Тайландын хүчтэй тоглогчдыг хязгаарлаж чадсан юм.
