“Эрдэнэс Тавантолгой” ХК 2025 оны 2 дугаар сарын 28-ны өдөр Монголын Хөрөнгийн Биржээр дамжуулан 3 удаагийн арилжаагаар 17 багц буюу 108.8 мянган тонн баяжуулсан коксжих нүүрс БНХАУ-ын Ганцмод боомт хүргэж өгөх нөхцөлөөр амжилттай арилжаалж, 114.4 ам.долларт хэлцэл хийсэн. Биржийн арилжаа эхэлснээс хойш нийт 125 удаагийн арилжаагаар 2.87 тэрбум ам.долларын үнэлгээ бүхий 25.4 сая тонн нүүрс борлуулсан үзүүлэлттэй байгаа.
“Эрдэнэс Тавантолгой” ХК-ийн Нүүрс баяжуулах үйлдвэр 2024 онд ашиглалтад орсон. Тус үйлдвэрийн гол онцлог бол чанартай бүтээгдэхүүн үйлдвэрлэх. БНХАУ-ын зах зээлийн хувьд баяжуулсан нүүрсний эрэлт их байна. Тиймээс бид 2025 онд 5 сая тонн түүхий нүүрсийг баяжуулаад 3 сая тонн баяжуулсан нүүрс борлуулах төлөвлөгөө гаргасан” хэмээн “Эрдэнэс Тавантолгой” ХК-ийн Борлуулалт, маркетинг, тээврийн газрын дарга О.Цэрэндондог “Тэнгэр” телевизэд өгсөн ярилцлагадаа онцолжээ.
