“Эрдэнэс Тавантолгой” ХК Өмнөговь аймгийн Цогтцэций сумын Цагаан-Овоо, Сийрст, Билгэх багийн малчин айл өрхүүдийн өвөлжилтийн бэлтгэл ажлыг хангах, өвлийг өнөтэй давахад дэмжлэг болгон малын хороо бууц түрж, тэгшлэх, цэвэрлэх ажлыг 2024 оны есдүгээр сарын 23-ны өдрөөс эхлүүлжээ.
“Эрдэнэс Тавантолгой” ХК-иас жил бүр нийгмийн хариуцлагын хүрээнд уламжлал болгон гэрээт болон туслан гүйцэтгэгч компаниудтайгаа малчдад туслах ажлыг хамтран гүйцэтгэж иржээ. Энэ жилийн хувьд дээрх гурван багийн нийт 90 малчны хороо бууцны хөр хөрзөнг ховхлох, цэвэрлэх, шороон овоолго хур хогыг түрж тэгшлэх ажлыг гүйцэтгэх юм байна.
