Монголбанкнаас гаргасан алтан шонхортой дурсгалын алтан зоос Дэлхийн шилдэг алтан зоосны номинацид нэр дэвшжээ. Энэ төрөлд өмнө нь “Аргаль” зоос алтан медаль авч байсан байна. “Шилдэг алтан зоос” шагналд нэр дэвшсэн алтан зоос нь 1 унц 9999 сорьцтой бөгөөд ердөө 199 ширхэг хэвлэгдсэн аж.
Монголын үндэсний шувуу бахархалт болох идлэг шонхор шувууг олон мянган жилийн өмнөөс ан агнуурт ашиглаж ирсэн. Нүүдэлчин овог аймгууд энэхүү гайхамшигт уламжлалыг хадгалан уламжилж, өвлүүлэн үлдээхэд чухал үүрэг гүйцэтгэсэн. Алтан зоос нь энэхүү сүрлэг шувууны сүрлэг болон энгийн номхон хоёр өөр дүр төрхийг харуулжээ хэмээн зоосны тайлбарт бичжээ.
