Дэлгэцийн урлагийн шилдэг бүтээл шалгаруулах “Оскар”-ын шагнал гардуулах 96 дахь упаагийн ёслол Лос-Анжелесийн Долби театрт болж өндөрлөлөө. Кино наадмын шагнал гардуулах ёслолын үеэр жүжигчин, бөх Жон Сена “Оскар”-ын шилдэг хувцасны дизайны шагналтыг зарлахаар нүцгэн гарч ирсэн нь дуулиан дэгдээв. Жүжигчин Жон Сена шилдэг хувцасны дизайны шагналтыг нүцгэн зарлахдаа “Хувцас маш чухал шүү” хэмээн хэлжээ.
Ялагчийг зарлахаар гарч ирсэн түүнд Жимми Киммел хөшиг мэт зүйл нөмрүүлэн биеийг нь халхалсан бөгөөд энэ нь яг л Ромын үеийн баатруудыг санагдуулам байсныг үзэгчид онцолжээ.
Жон Сенагийн энэ үйлдэл 50 жилийн өмнө “Оскар”-ын тайзнаа болсон нэгэн дуулиант явдлыг сануулжээ. 1974 оны Оскарын шагнал гардуулах ёслолын үеэр Дэвид Нивен алдарт жүжигчин Элизабет Тейлорыг зарлахтай зэрэгцэн чармай нүцгэн эр тайзны араар гүйжээ. Энэ үйлдэл Оксарын шагнал гардуулах ёслолын түүхэн дэх хамгийн тааварлашгүй, галзуу үйл явдлуудын нэг байсан юм.
Нүцгэн гүйсэн хүн бол Роберт Опел хэмээх бисексуал уран бүтээлч байжээ. Тэрбээр Сан Франциско хотод ижил хүйстэн үйлчлүүлэгчдэд зориулсан урлагийн галерей эзэмшдэг байсан аж. Шуугиан тарьсан эл үйл явдлын дараа Опел хэсэгхэн хугацаанд олны анхаарлын төвд орж, стэнд-ап комеди хүртэл хийж байв.
