Их хэмжээний цас орж, хот хоорондын авто замууд тээврийн хэрэгсэл зорчиход хүндрэлтэй болоод буй. Тиймээс уул уурхайн компаниуд болон Батлан хамгаалах яамны техникүүдийг хот хоорондын замын цасыг цэвэрлэхэд дайчлан оролцуулах талаар Ерөнхий сайд чиглэл өгчээ.
Энэ хүрээнд “Эрдэнэс Тавантолгой” ХК нийгмийн хариуцлагын хүрээнд 2024 оны хоёрдугаар сарын 18-19-ний өдрүүдэд Даланзадгад Мандалговь чиглэлийн авто замын Даланзадгад талаас 52-70км хүртэлх замын цасанд боогдсон хэсгийг цэвэрлэж, чөлөөлөх ажилд техникийн дэмжлэг үзүүлж ажилласан байна.
