Японы мэргэжлийн сүмогийн ирэх 2024 оны нэгдүгээр сарын тэмцээн хацү башёгийн оноолт буюу банцүкэ өнөөдөр гарчээ.
Ирэх оны эхний башёг эдүгээ барилдаж буй цорын ганц их аварга Тэрүнофүжи Г.Ган-Эрдэнэ магнайлан барилдахаар эрэмбэлэгджээ. Түүний араас зүүн жигүүрийн тэргүүн озэки Киришима Б.Лхагвасүрэн, баруун жигүүрийн тэргүүн озэки Хоошорюү С.Бямбасүрэн нар эрэмбэлэгджээ. Хокүсэйхо А.Даваанинж маэгаширагийн зүүн жигүүрийн наймд, Тамаваши Б.Мөнх-Оргил маэгаширагийн зүүн жигүүрийн 10-т тус тус эрэмбэлэгдсэн байна.
Жюүрёо зиндааны баруун жигүүрийн Миторюү Б.Төрболд тэргүүлэн барилдах бол Тамашохо Э.Энхманлай зүүн жигүүрийн дөрөв, Чиёошомо Г.Мөнхсайхан зүүн жигүүрийн тав, Ошома П.Дэлгэрбаяр баруун жигүүрийн тав, Дайшохо Ч.Шижирбаяр баруун жигүүрийн есөөс тус тус босож барилдахаар болжээ.
