Улаанбаатар хотын авто замын түгжрэлийг бууруулах ажлын хүрээнд хэрэгжүүлэх Нийтийн тээврийн автобус нийлүүлэх төсөл арга хэмжээний тендер шалгаруулалтад шалгарсан БНХАУ-ын “Yutong Bus” компанитай Нийслэлийн Засаг дарга албан ёсоор гэрээ байгуулсан. Уг гэрээний дагуу ирэх оны нэгдүгээр сарын 31 гэхэд 600 автобус нийлүүлнэ. Ингэхдээ 50 автобус үйлдвэрлэх тутамд хилээр орж ирэхээс нь өмнө урьдчилсан хяналт, шалгалт хийх юм. Энэ хүртэлх эрсдэл, зардлыг үйлдвэрлэгч хариуцах аж. Автобуснуудын баталгаат хугацаа 24 сар байх бөгөөд ашиглалтын арван жилийн хугацаанд үйлдвэрлэгчийн зүгээс найдвартай сэлбэг хэрэгслээр хангах үүрэг хүлээж буй.
“Yutong Bus” компанийн үйлдвэрээс шинээр угсарч буй автобуснуудын талаар мэдээллээ байнга ирүүлж буй багаад эхний автобуснууд энэ сарын 29-нд орж ирнэ. Нийслэлийн Засаг дарга Х.Нямбаатар “Шинээр орж ирэх автобуснуудаас Төрийн ордны үйлчилгээнд зориулж олгоно. Уг автобусаар Төрийн ордонд ажиллаж байгаа төрийн захииргааны албан хаагчид зорчих болно. Ингэснээр хүн бүр автомашин унаж хотын төв рүү ирэхгүй. Ажилчдын нэгдсэн автобусаар ажилдаа ирж, буцдаг болно” гэлээ.
