“Парис 2024”олимпийн эрхээ авсан, хагас мэргэжлийн багт уралдаж байсан дугуйчин С.Жамбалжамц Испани улсын мэргэжлийн баг “Burgos BH” багтай гэрээ хийжээ. Ингэснээр “World Pro tour” буюу Дэлхийн мэргэжлийн шилдэг баг тамирчид уралддаг “Vuelta a Espana”, “Giro d’Italia”, “Tour de France” зэрэг дэлхийн №1 тэмцээнүүдэд оролцох боломж бүрдэж Монголын дугуйн спортын түүхэнд цоо шинэ хуудсыг нээлээ. Монгол Улс Уорлд турын түүхэнд анхны тамирчнаа бүртгүүлсэн 88 дахь гишүүн болсныг UCI онцлон зарласан байна.
Монголын дугуйн холбооны 2022 оны зорилт: Монголын анхны хагас мэргэжлийн багийг байгуулах
2023 оны гол зорилт: Олимпийн эрх авах
2024 оны гол зорилт: Олимпод хамгийн дээд амжилтыг үзүүлэх
2025 оны гол зорилт: “Уорлд тур”-ын багт монгол тамирчдыг оруулах
2026 оны гол зорилт: “Тур де Франц”-д оролцох байсан төлөвлөгөөг С.Жамбалжамц ийнхүү урагшлуулж байна.
Мөн Дэлхийн дугуйн спортын бүхий л топ уралдааны амжилт чансааг мэдээлдэг https://www.procyclingstats.com/ сайт дээр Сайнбаярын Жамбалжамцыг өнөөдрийн хамгийн “Алдартай дугуйчин”-аар онцолжээ.
