“Эрдэнэс Тавантолгой” ХК орон нутаг, хамтын ажиллагаа, нийгмийн хариуцлагын хүрээнд 2023 оны наймдугаар сарын 30-ны өдрөөс хойш сар гаруйн хугацаанд Өмнөговь аймгийн Цогтцэций сумын Цагаан-Овоо, Сийрст, Билгэх багийн 40 гаруй малчин өрхийн хороо бууц засаж тохижуулах, малын сэг зэм зайлуулах, ариутгах ажлыг туслан гүйцэтгэгч компаниудын хамтаар гүйцэтгэж, өвөлжилтийн бэлтгэлээ хангахад нь тусалжээ.
Энэхүү ажилд “Эрдэнэс Тавантолгой” ХК-ийн туслан гүйцэтгэгч компаниуд болох “Нормаунт”, “Карс”,”ТТОТ”, TTJVCO” “Спэйшл Майнинг” ХХК-иуд болон нүүрс баяжуулах үйлдвэрийн төслийн үндсэн гүйцэтгэгч “Норинко Интернэйшнл Кооперэйшн” ХХК идэвхтэй оролцож, шатахуун, машин техник, ажиллах хүчнээр туслаж, малчдын талархлыг хүлээсэн байна.
