Мэргэжлийн сүмогийн Нагоя башёгийн сүүлийн өдрийн барилдаан өнөөдөр болно. 14 өдрийн дараах байдлаар сэкивакэ Хоошорюү С.Бямбасүрэн 11 даваа гурван унаатайгаар башёг тэргүүлж байна. Мөн маэгаширагийн Хокотофүжи, мэагаширагийн 17 дахь бөх Хокоүхо нар 11 даваа, гурван унаатай байгаа юм. Энэ гурван бөхийн хэн унаагүй нь түрүүлнэ. Хоошорюү С.Бямбасүрэн Хокоүхотой өнөөдөр оноолт таарсан тул хэн давсан нь түрүүлэх өрсөлдөөнд орно. Өрсөлдөөнд орно гэдгийн учир нь маэгашира Хокотофүжи маэгаширагийн тэргүүн бөх Нишикигиг давчих юм бол эзэн хааны цомын төлөө Хоошорюу, Хокоүхо хоёрын хэн давсантай нь нэмэлт барилдаан хийнэ. Хокүтофүжи учраадаа унах юм бол Хоошорюү, Хокоүхо хоёрын хэн давсан нь шууд түрүүлэх нөхцөл үүсээд байна.
Хокүсэйхо таван даваа, есөн унаатай яваа бөгөөд тэрбээр энэ башёд 50-аас дээш хувийн амжилтаа үзүүлж чадаагүй тул ирэх башёд чансаа буурна. Чоёошома Г.Мөнхсайхан зургаан даваа, найман унаатай, мөн 50-аас дээш хувийн амжилт үзүүлж чадсангүй. Харин Тамаваши Б.Мөнх-Оргил найман даваа, зургаан унаатай яваа юм. Тэрбээр энэ башёд маэгаширагийн долоод эрэмбэлэгдсэн. Есдүгээр сард эрэмбэ ахиж маэгаширагийн дээд хэсэгт орж ирэх боломжтой боллоо.
Энэ сард мэргэжлийн сүмогийн хоёр зиндаанд монгол бөх түрүүлэх магадлалтай болоод байгаа юм. Санданмэ зиндаанд барилдаж буй Асахакирюү Р.Жамъянтогтох өвдөг шороодолгүй долоо даваад байгаа юм. Уг зиндаанд Вакайкарюү мөн долоон даваатай яваа аж. Өнөөдөр хэрхэн барилдахаас шалтгаалан энэ хоёр бөхийн нэг нь түрүүлнэ.
