Японы мэргэжлийн сүмогийн Нагоя башё их аваргагүйгээр үргэлжилж байна. Их аварга Тэрүнофүжи Г.Ган-Эрдэнийн өвдөгнийх нь бэртэл сэдэрсэн тул башёгийн дөрөв дэх өдрөөс цааш барилдах боломжгүй болсон. Тиймээс шинэхэн озэки Киришима Б.Лхагвасүрэн долдугаар сарын башёгийн хамгийн өндөр цолтон нь болоод байна. Тэрбээр мөн тэмцээн эхлэхээс өмнө бэртэл авч, башёгийн эхний хоёр өдөр барилдалгүй өнжсөн бөгөөд өнөөдөр учраагаа давснаар гурван даваа, дөрвөн унаатай болжээ.
Сэкивакэ Хоошорюү С.Бямбасүрэн өнөөдөр давснаар найман даваа, нэг унаатайгаар башёг хошуучилж байна. Тамаваши Б.Мөнх-Оргил өнөөдөр өвдөг шороодож зургаан даваа, гурван унаатай, Хокүсэйхо А.Даваанинж учраадаа унаснаар дөрвөн даваа, таван унаатай, Чиёошома Г.Мөнхсайхан учраадаа унаж таван даваа, дөрвөнунаатай тэмцээнийг үргэлжлүүлж байна.
