МИАТ ТӨХК орон нутагт нислэг үйлдэж эхэллээ

Монгол Улсын Засгийн газраас 2023-2024 оныг “Монголд зочлох жил” болгон зарласантай холбогдуулан МИАТ ТӨХК 2008 онд зогсоогоод байсан орон нутгийн нислэгээ дахин сэргээж, 9 аймгийн чиглэлд шууд нислэг үйлдэхээр болсон. МИАТ ТӨХК өнөөдрөөс ийнхүү орон нутгийн чиглэлд нислэг үйлддэг болсноор жуулчид Мөрөн, Ховд, Улиастай, Улаангом, Даланзадгад гэх мэт манай орны аялал жуулчлалын гол бүс нутгууд руу тав тухтай, түргэн шуурхай аялах боломж бүрдэж байна.