Wednesday, April 9, 2025

Ерөнхий сайд Л.Оюун-Эрдэнэ БНХАУ-ын Шинжлэх ухааны академийн Ерөнхийлөгч Хоу Жянгуотой уулзлаа

Date:

БНХАУ-д албан ёсны айлчлал хийж буй Монгол Улсын Ерөнхий сайд Л.Оюун-Эрдэнэ БНХАУ-ын Шинжлэх Ухааны Академид зочилж, тус академийн Ерөнхийлөгч Хоу Жянгуо болон холбогдох удирдлагуудтай уулзалт хийлээ.

Ерөнхий сайд Л.Оюун-Эрдэнэ энэ удаагийн айлчлалын чухал зорилгуудын нэг бол БНХАУ-тай шинжлэх ухаан, технологи, инновацын чиглэлийн хамтын ажиллагааг өргөжүүлэх болохыг онцлоод “Алсын хараа-2050” урт хугацааны хөгжлийн бодлогод дэвшүүлсэн шинжлэх ухаан, технологийн зорилтуудыг хэрэгжүүлэх”, “Шинэ сэргэлтийн бодлого”-ын хүрээнд 38 мянга гаруй инженер технологийн ажилтан шаардлагатай бөгөөд БНХАУ-ын шинжлэх ухааны дэвшил, технологийн чиглэлээр туршлага судалж, хүний нөөц бэлтгэх чиглэлээр хамтран ажиллах сонирхолтой буйгаа илэрхийлэв.

ШУА-ийн Ерөнхийлөгч Хоу Жянгуо тус улсын ШУА нь Төрийн Зөвлөлийн шууд харьяа бөгөөд байгалийн шинжлэх ухаан, хиймэл оюун ухаан зэрэг дэвшилтэт технологийн чиглэлээр дагнан ажилладаг гэлээ. Мөн БНХАУ-ын “Инновац-2020”, “Инновац-2050: Шинжлэх ухаан, технологи ба Хятадын ирээдүй” зэрэг стратегийн судалгааны тайлангуудыг боловсруулжээ. ШУА нь 69 мянга гаруй судлаач, 79 мянга орчим суралцагчтай, 130 үндэсний лаборатори, инженерийн төв, хээрийн ажиглалтын болон судалгааны 68 станцтай гэж танилцууллаа.

Ерөнхий сайд Л.Оюун-Эрдэнэ, ШУА-ийн Ерөнхийлөгч Хоу Жянгуо нар хоёр улсын Шинжлэх ухааны академи хоорондын хамтын ажиллагааг эрчимжүүлж, хамтарсан судалгааны төслүүдийг эхлүүлэх, оюутан солилцоо, мэргэжил дээшлүүлэх хөтөлбөрийг эрчимжүүлэх, БНХАУ-д инженер, архитектор болон шинжлэх ухааны нарийн мэргэжлийн чиглэлээр оюутан сургах, Засгийн газрын тэтгэлэгт хөтөлбөрт хоёр орны эдийн засагт ач холбогдол бүхий инженерүүдийг хангалтай бэлтгэх мэргэжлийн тэргүүлэх чиглэлүүдийг тодорхойлох талаар санал солилцлоо.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

“Нисгэгчийн дуу”-гаа тэр тэнгэрийн оронд дуулж яваа

“Нисгэгчийн дуу”, “Мичид шүргэх Алтай”, “Дайчин нөхрийн дуу”, “Нас...

“Эрдэнэс Тавантолгой” ХК 32.0 мянган тонн коксжих нүүрс арилжлаа

"Эрдэнэс Тавантолгой" ХК 2025 оны 4 дүгээр сарын 08-ны...

“Зөөлөн хот” фестиваль анх удаа болно

Хот төлөвлөлт, зохион байгуулалт болон Хотоо илүү сайхан болгоход...

Ачаалалтай уулзваруудыг дахин төлөвлөх, шинэчлэхэд ЖАЙКА-тай хамтран ажиллахаар санал солилцжээ

НИТХ-ын дарга А.Баяр, Нийслэлийн Засаг даргын Эдийн засаг, дэд...