Японы мэргэжлийн сүмогийн дээд зиндааг их аварга Тэрүнофүжи Г.Ган-Эрдэнэ, маэгаширагийн баруун жигүүрийн 14 дэх бөх Асанояма нар 10 даваа, нэг унаатайгаар тэргүүлж байна. Тэдний араас сэкивакэ Кирибаяма Б.Лхагвасүрэн есөн даваа, хоёр унаатайгаар бичигдэж байна.
Тэрүнофүжи их аварга өнөөдөр нутаг нэгтэн сэкивакэ Хоошорюү С.Бямбасүрэнтэй оноолт таарч барилдан кимэдаши мэхээр давсан юм. Хоошорюү өнөөдөр унаснаар долоон даваа, дөрвөн унаатай болоод байна. Тэрбээр үлдсэн өдрүүдэд нэг давбал 50-иас дээш хувийн амжилтаа үзүүлнэ.
50-иас ээш хувийн амжилтаа үзүүлээд байгаа Хокүсэйхо А.Даваанинж өнөөдөр сэкивакэ Вакоматохаруд өвдөг шороодон найман даваа, гурван унаатай болжээ.
