Тайландад болж буй “Tour of Thailand-2023” олон улсын унадаг дугуйн олон өдрийн тэмцээний эхний өдөр “Алдар” спорт хорооны тамирчин ОУХМ Б.Тэгшбаяр түрүүлж шар цамцны эзэн болжээ. Тэрбээр Тайландын мэргэжлийн “Roojai” багаас уралддаг юм.
Мөн Малайзын мэргэжлийн “Terengganu” багаас уралддаг Монгол Улсын шигшээ багийн тамирчин ОУХМ С.Жамбалжамц дөрөвдүгээр байрт орж Монголын тамирчид энэ тэмцээнийг ширүүн өрсөлдөөнтэй сонирхолтой болгож байна. Монголын баг тамирчид оролцсон тэмцээн болгоноосоо Олимпийн эрх авах UCI оноо цуглуулсаар байна. Өнөөдөр 180 км-ийн тэмцээн болж байгаа юм.
“Tour of Thailand-2023” олон улсын унадаг дугуйн тэмцээн энэ сарын 6-ныг дуустал үргэлжилнэ.
