Ардчилсан намын Ерөнхий нарийн бичгийн дарга гэх Ч.Өнөрбаяраас Улсын дээд шүүхэд 2023 оны 2 дугаар сарын 28-ны өдөр өргөдөл ирүүлжээ. Уг өргөдөл нь “…намын улсын бүртгэлийн гэрчилгээ нь хаана байгаа нь мэдэгдэхгүй, ашиглах боломжгүй байгаа бөгөөд Ардчилсан намын хуучин удирдлага нь намын холбогдох баримт бичгийг хүлээлгэн өгөхгүй, удаа дараагийн шаардлага биелүүлэхгүй байна. Дээрх байдлаар намын улсын бүртгэлийн гэрчилгээг ашиглах боломжгүй хаяж үрэгдүүлсэн тул өргөдлийг хүлээн авч, Ардчилсан намын улсын бүртгэлийн гэрчилгээг дахин олгож өгнө үү.” гэсэн агуулгатай байна.
Өөрөөр хэлбэл Ардчилсан намын дарга гэх С.Эрдэнэ тус намын гэрчилгээ болон баримт бичгийг хүлээлгэн өгөхөөс татгалзсаар байгаа тул шинээр сонгогдсон гэх удирдлагууд нь ийнхүү Улсын дээд шүүхэд хандаж гэрчилгээ, бичиг баримтаа дахин авахаас өөр аргагүйд хүрчээ.
