Мэргэжлийн сүмогийн гуравдугаар сарын башёгийн банзүкэ гарчээ. Их аварга Тэрүнофүжи Г.Ган-Эрдэнэ өнгөрсөн 2022 оны ес, арваннэгдүгээр сар, энэ оны нэгдүгээр сарын башёнуудад бэртлийн улмаас барилдаж чадалгүй өнжсөн бол энэ сард барилдахаар болжээ.
Манай сүмочдоос Хоошорюү С.Бямбасүрэн, Кирибияма Б.Лхагвасүрэн нар баруун, зүүн жигүүрийн сэкивакэ цолтой барилдана. Тамаваши Б.Мөнх-Оргил маэгашира цолтнуудыг тэргүүлэн барилдахаар эрэмбэлэгджээ. Азүмарү С.Тодбилэг маэгаширагийн зүүн жигүүрийн 11, Дайшохо Ч.Шижирбаяр маэгаширагийн зүүн жигүүрийн 13, Хокүсэйхо А.Даваанинж, Чиёошома Г.Мөнхсайхан, Миторюү Б.Төрболд нар маэгаширагийн зүүн жигүүрийн 15, 16, 17-д эрэмбэлэгджээ.
