УИХ-ын гишүүн, Төрийн байгуулалтын байнгын хорооны дарга Ж.Мөнхбат УИХ-ын гишүүний бүрэн эрхээсээ чөлөөлөгдөх хүсэлтээ өнөөдөр гаргажээ. УИХ-ын дарга Г.Занданшатарт уг хүсэлтээ гардуулан өгсөн байна. Тэрбээр өргөдөлдөө ээжийнх нь бие хүнд өвчтэй, гадаадад удаан хугацаагаар эмчлүүлэх шаардлагатай болсон тул, мөн сүүлийн үед түүнийг олон хууль бус үйлдэлд холбогдуулан гүтгэж байгаа тул УИХ-ын гишүүний бүрэн эрхээсээ татгалзаж байгаад хууль хяналтын байгууллагаар шалгуулан үнэн зөвөө тогтоолгох хүсэлтэй байгаагаа илэрхийлжээ.
