УИХ-ын чуулганы өнөөдрийн нэгдсэн хуралдаан дээр УИХ-ын гишүүн Б.Пүрэвдорж нүүрсний хэрэгт нэр холбогдсон гишүүдийг өмөөрч үг хэлжээ. Тэрбээр нам нэгтэн А.Адъяасүрэн гишүүнийг өмөөрөхдөө “Нэг кг нүүрс жолооч нартай гаргасан бол хариуцлага хүлээхэд бэлэн гэж байгаа” гэжээ. Харин эрх баригч намын гишүүн, ХХЕГ-ын дарга асан генерал Ц.Сэргэлэнг тэрбээр гэм зэмгүй гэдгийг бараг шүүх, прокурорын оронд тогтоочисон мэт ярив. Тэрбээр “Ц.Сэргэлэн генерал сайн төрийн хүн. Нүүрстэй ойртуулах нэг юм нь бор нүүр л байгаа. Өөр юу ч байхгүй” гэжээ.
УИХ-ын нэг гишүүн нь нөгөөгөө ингэж хэлээд л хэргээс мулталж, гэм буруутэй эсэхийг нь шийдчихдэг бол мөн сайхан аа. Б.Пүрэвдорж гишүүн Ц.Сэргэлэн генералыг өмөөрч, магтах гэхдээ нүүр царай руу нь хүртэл орж, хар бороор нь дуудсан нь нүдээ олоогүй зүйрлэл байлаа.
