Нүүдлийн шувууд асар хол замыг туулж, тэнгис далайг гэтлэн зорьсон газраа хүрдэг. Тэдний дундаас хамгийн урт замыг тасралтгүй нисэж туулан дэлхийн дээд амжилт тогтоосон жигүүртэн бол Bar-tailed Godwit хэмээх шувуу юм. Уг шувууны шинжлэх ухааны нэр нь Limosa lapponica бөгөөд Scolopacidae овгийн хүчирхэг жигүүртэн юм. Bar-tailed Godwit далайн эргийн шаварлаг нуга, бэлчир дээрх хясаа, загасаар хооллодог байна. Энэ шувуу Скандинаваас Аляска хүртэл Арктикийн эрэг, тундрын бүсэд үржиж, Австрали, Шинэ Зеландын сэрүүн, халуун орны эрэгт өвөлждөг байна. Уг шувууны дэд төрөл зүйл болох Limosa lapponica baueri төрлийн шувууд Номхон далайг гаталж Аляскаас Шинэ Зеланд руу нүүдэллэсэн нь шувуудын хамгийн урт тасралтгүй нислэгт тооцогдддог байна.
Хамгийн сүүлийн мэдээгээд Австралийн зүүн урд орших Тасманийн арлын Ансонс Бэйд дөнгөж таван сартай Bar-tailed Godwit шувуу энэ оны аравдугаар сарын 24-нд нүүдэллэн очжээ. Уг шувууг Аляскад байхад нь судлаачид 2022 оны 10-р сарын 13-нд GPS бөгж суулгаж явуулсан аж. Энэ нь Аляска болон Тасманийн хооронд анх удаа бөгж зүүж тавсан шувуу ниссэн тохиолдол болжээ. Тухайн шувуу 11 хоногийн турш Номхон далай дээгүүр тасралтгүй нисэхдээ нийт 13,560 км зам туулжээ. Энэ нь өдөрт 13560 км, цагт 51 км/цагийн хурдтай ниссэн гэсэн үг.
