“Хөшигийн хөндийн нисэх онгоцны буудал” ТӨХХК авлигын эсрэг үйл ажиллагааны 2022 оны эхний хагас жилийн төлөвлөгөөний биелэлтээ гаргажээ. Уг төлөвлөгөөнд Авлигын эсрэг хууль тогтоомжийг иргэдэд сурталчлах, соён гэгээрүүлэх үйл ажиллагааны хүртээмжийг нэмэгдүүлэх, Авлигын эсрэг сургалт зохион байгуулах, албан хаагчдыг хамруулах, Авлигатай тэмцэх газраас бүрэн эрхийнхээ дагуу гаргасан шийдвэрийг биелүүлэх, хариуг хугацаанд нь мэдэгдэх, Байгууллагын удирдлагын авлигатай тэмцэх хүсэл эрмэлзэл, санаачилга өрнүүлэх, :Авлига, ашиг сонирхлын зөрчил үүсэх шалтгаан, нөхцөлийг арилгуулах арга хэмжээ авах, Байгууллагын үйл ажиллагааны ил тод, нээлттэй байдлыг сайжруулах гэсэн үндсэн зургаан бүлэг, 12 ажил тусгагдсан байна. Эдгээр ажлуудыг 100 хувь хэрэгжүүлсэн гэж дүгнэжээ.
Тухайлбал, Байгууллагын үйл ажиллагааны ил тод, нээлттэй байдлыг сайжруулах ажлын хүрээнд Нягтлан бодох бүртгэлийн тухай хууль болон мөрдөгдөж буй дүрэм, журам, стандартын дагуу Санхүү бүртгэлийн Impact, Цалингийн Payroll программуудыг ашиглан бүртгэл тооцоог хөтлөн явуулж байгаа юм байна.
Шилэн дансны тухай хуулийн 6 дугаар зүйлд заасны дагуу Компанийн
санхүүгийн тайлан мэдээллийг тогтоосон хугацаанд компанийн болон
Төрийн өмчийн бодлого, зохицуулалтын газрын цахим хуудсанд тухай
бүр байршуулан, Шилэн дансны тухай хуулийн 6.1.1-д заасны дагуу
тухайн жилийн худалдан авах ажиллагааны төлөвлөгөөг жил бүрийн 01
дүгээр сарын 10-ны өдрийн дотор мэдээлж, Шилэн дансанд 2022 оны 06
дугаар сар хүртэл нийт 79 мэдээллийг оруулжээ.
Компанийн эрхэм зорилго, зорилт, тэргүүлэх чиглэл, зохион
байгуулалтын бүтэц, компанийн үйл ажиллагаанд мөрдөгдөж буй хууль
тогтоомж, дүрэм, журам, цаг үеийн мэдээ мэдээлэл, ажлын байрны
сонгон шалгаруулалтыг http://khkhap.mn цахим хуудаст байршуулж,
иргэд олон нийт танилцах боломжоор бүрэн хангасан байна.
