Дизель түлш, АИ-95 автобензиний үнэ литр тутамд 300 төгрөгөөр буурлаа. Дэлхийн зах зээлд газрын тосны үнэ сүүлийн 2 жил гаруйн хугацаанд тасралтгүй өсөж хоёрдугаар сард баррель тутамд 127 ам.долларт хүрсэн. Харин өнгөрсөн зургадугаар сараас үнэ бага зэрэг буурснаар дотоодын зах зээлд үнэ хямдрах боломж бүрдлээ.
Мөн УУХҮЯ-наас гуравдугаар сард ОХУ-ын “Роснефть” компанитай хийсэн хөнгөлөлттэй үнийн хэлэлцээрийг сунгаснаар АИ-92 автобензинийг 4,5,6-р сард нэг тонныг 840 ам.доллар, он дуустал 830 ам.доллараар худалдан авах боломж бүрдээд байна.
