Олон улсын мөсний хоккейн холбооны Их хурал Финланд улсад болжээ. Уг хурлаар Монгол Улсад шайбтай хоккейн IV дивизионы Дэлхийн аварга шалгаруулах тэмцээнийг зохион байгуулах шийдвэр гаргасан байна. Уг тэмцээн “Степпе Арена” ордонд 2023 оны гуравдугаар сарын 12-16-нд болох бөгөөд манай улсаас гадна Филиппин, Хонконг, Тайвань, Сингапур улсын шигшээ багууд өрсөлдөх юм байна. Ийнхүү манай улс анх удаа хоккейн ДАШТ-ийг эх орондоо зохион байгуулах нь.
Олон улсын мөсний хоккейн холбоо ( IIHF ) нь шигшээ багуудын ур чадварын түвшинг харгалзан I,II,III,IV зиндаанд хувааж, тус тусад нь ДАШТ зохион явуулдаг. Манай тамирчид өмнө нь гурван удаа “С” зэрэглэлийн ДАШТ-д өрсөлдсөн түүхтэй.
