Хөрөг гэрэл зурагчин Александр Кимушины 2017 онд Монголд авсан гэрэл зураг олон улсын дуудлага худалдаанд өндөр үнээр зарагджээ. Гэрэл зурагчин Анужин бүсгүйн хөрөг зургийг Лондон хотын CHRISTIE’S дуудлага худалдаанд оролцуулж 17.300 евро буюу 60 орчим сая төгрөгөөр худалдсан байна. Ингэж үнэ хүрсэн нь гэрэл зурагчны хамгийн өндөр үнээр худалдсан хоёр дахь бүтээл болжээ. Александр Кимушин уг мөнгөө сайн үйлсын ажилд зарцуулах юм байна. Сонирхуулахад Анужин АНУ-д суралцаж байхдаа Нью-Иорк хотод үзэсгэлэнд оролцож байсан хөрөг зургаа очиж үзэж байжээ.
