Энэтхэгийн Засгийн газар, Энэтхэгийн Соёлын харилцааны зөвлөлөөс 2021-2022 оны хичээлийн жилийн тэтгэлэгт хөтөлбөрөө зарлажээ. Энэ удаа хэл, шинжлэх ухаан, хүмүүнлэг, инженер, архитектор, буддын судлал зэрэг чиглэлээр тус улсад бакалавр, магистр, доктор/пост докторын зэрэгт суралцах боломжийг олгож байна. Тухайн тэтгэлгийг сонирхсон 18-30 хүртэлх насны (докторын сургалтад өргөдөл гаргагч нь 45 хүртэлх насны) иргэн Энэтхэгийн Соёлын зөвлөлийн http://a2ascholarships.iccr.gov.in линк руу хандан онлайнаар бүртгүүлэх юм.
Уг хөтөлбөрийн бүртгэл энэ сарын 30-ныг хүртэл үргэлжилнэ. Тэтгэлэгтэй холбоотой заавар, зөвлөмж мэдээллийг https://www.meds.gov.mn/?p=8672, Энэтхэгийн Соёлын зөвлөлийн портал сайт болон Монгол Улсад суугаа Бүгд найрамдах Энэтхэг улсын Элчин сайдын яамны reception.ulaan@mea.gov.in руу и-мэйл бичих эсвэл 70132248 утсаар авах боломжтой юм байна.
