Сүүлийн өдрүүдэд коронавирусийн тохиолдол эрс нэмэгдэж, өчигдөр хамгийн өндөр буюу 831 шинэ тохиолдол бүртгэгдэж, нэг хүн нас барсан. Харин өнөөдөр 575 тохиолдол шинээр бүртгэгдэж, 4 хүн нас баржээ.
Яг одоо Засгийн газрын ээлжит хуралдаанаар Covid-19 халдварын цар тахлын нөхцөл байдал, авч хэрэгжүүлж байгаа шуурхай хариу арга хэмжээний талаар хэлэлцэж байна. Covid-19 халдварын тархалтыг хумих чиглэлд ямар арга хэмжээ авах вэ гэдэгт Засгийн газарт хэд хэдэн хувилбар яригдаж байгаа юм байна. Тухайлбал, энэ сарын 10-ны өдрөөс эхлэн хатуу хөл хорио тогтоох эсэх асуудлыг ярьж байгаа гэнэ. Энэ саналыг эцэслээгүй бөгөөд холбогдох албаныхны байр суурийг сонсож байгаа юм. ЭМЯ болон мэргэжлийн байгууллагуудын зүгээс тодорхой хугацаанд хөл хорио тогтоох шаардлагатай гэсэн саналыг тавьсаар байгаа юм.
