Монгол Улсын Ерөнхийлөгчийн сонгуулийн хуваарийн дагуу Улсын бүртгэл ерөнхий газар маргааш гэхэд сонгогчдын нэрийн жагсаалтыг өөрийн цахим хуудаст байршуулна. Ингэхдээ тухайн иргэний овог, нэр, нас, хүйс, регистрийн дугаар, оршин суугаа хаяг зэргийг уг жагсаалтын мэдээлэлд багтаах юм.
Ташрамд дурдахад, Монгол Улсын Сонгуулий ерөнхий хорооны ээлжит хуралдаанаар Монгол Улсын Ерөнхийлөгчийн 2021 оны ээлжит сонгууль зохион байгуулах ажлыг аймаг, нийслэлийн хэмжээнд зохион байгуулж, сонгуулийн тухай хууль тогтоомжийн хэрэгжилтийг ханган ажиллах аймаг, нийслэлийн сонгуулийн хороодыг байгуулаад байгаа билээ.
