Монгол Улсын урт хугацааны хөгжлийн бодлого болох “Алсын хараа 2050” Ногоон хөгжилд суурилсан хэтийн зорилт дунд хугацааны бодлогын баримт бичгийн хэрэгжилтийг хангах Олон улсын “Эко сургууль” хөтөлбөр зарласан билээ. “Алсын хараа 2050” урт хугацааны хөтөлбөрын хүрээнд хэрэгжүүлэх “Эко сургууль” хөтөлбөрийн хүрээн дэх ажилд Нийслэлийн тэргүүний, “Алтангадас” одонт ерөнхий боловсролын 23 дугаар сургуулийн хамт олон шалгарчээ.
Тус сургуулийн хамт олны амжилтыг үнэлж БОАЖЯ, БШУЯ, ITCNE, FEE зэрэг байгууллагын нэр хүндтэй шагнал болох “Мөнгөн гэрэгэ” олгосон байна. Энэ удаа Улсын хэмжээний 24 сургууль болзол хангаснаас Нийслэлээс 23 дугаар сургууль өөрсдийн хийж бүтээсэн зүйлээрээ дээрх шагналын эзэд болжээ. Шагнал гардуулах ёслолын дараа 23 дугаар сургуулийн захирал, МУГБ Ц.Цолмонбаатар “Сургуулийнхаа бүтээлч хамт олон Эко клубын хамт олноо төлөөлөн хамтдаа шагнал гардсан багш нартаа баярлалаа. Эко клубын нийт багийнхандаа баярлалаа. “НОГООН ТУГТАЙ СУРГУУЛЬ” болохын төлөө урагшаа тэмүүлцгээе” гэж хэллээ.
Нийслэлийн тэргүүний, “Алтангадас” одонт 23 сургуулийн хамт олонд амжилт хүсэж, ногоон хөгжилд тэмүүлэн ирээдүйгээ гэрэлтүүлэхийг ерөөе.
