Эрүүл мэндийн яамнаас коронавирусийн халдварын нөхцөл байдлын талаар ээлжит мэдээллээ хийлээ. Өнгөрсөн 24 цагийн хугацаанд вирус судлалын лаборториудад 11905 шинжилгээ хийсэн бөгөөд 45 шинэ тохиолдол бүртгэгджээ. Ийнхүү нийт батлагдсан тохиолдол 2952 болсон байна.
Улаанбаатар хотод шинээр бүртгэгдсэн 45 тохиолдлын хувьд 29 нь хяналтад байсан иргэдээс илэрсэн бол 13 нь “Нэг хаалга-Нэг шинжилгээ”-нээс илэрчээ. Харин гурван хүний халдварын эх үүсвэрийг судалж байгаа юм байна.
Нийт халдвар авсан хүмүүсийн 2299 хүн эдгэрсэн бөгөөд сүүлийн 24 цагт 50 хүн эмчлэгдэж, гэрийн тусгаарлалтад шилжжээ. Сүүлийн үед үйлдвэр, аж ахуйн нэгж, албан тасалгаа, зах, худалдааны төвөөр үйлчлүүлсэн иргэдээс халдвар илэрч байгаа тул олон хүнтэй газар 15 минутаас дээш байхаас аль болох татгалзаж, амны хаалтаа тогтмол зүүж, хүн хоорондын зай барихыг зөвлөж байна.
