Мал эмнэлгийн ерөнхий газрын даргын тушаалаар Улсын мал эмнэлэг, ариун цэврийн төв лабораторийн захирал Б.Ганзоригоор ахлуулсан ажлын хэсэг Дорноговь аймгийн төв Сайншанд, Эрдэнэ, Өргөн сум, Өмнөговь аймгийн төв Даланзадгад, Ханбогд, Цогт-Овоо сум, Дорноговь аймгийн төв Мандалговь, Луус сум, Төв аймгийн Зуунмод суманд ажиллажээ.
Аймгуудын Мал эмнэлгийн газар, тасаг, нэгжийн малын эмч, төлөөлөлтэй уулзаж, ярилцан орон нутагт мал, амьтны халдварт, гоц халдварт өвчин гарахаас урьдчилан сэргийлэх, отор нүүдэл, өвөлжилт, малын шилжилт хөдөлгөөнийг хянах, малын эрүүл мэндийг хамгаалах талаар Засгийн газраас авч хэрэгжүүлж буй арга хэмжээний талаар малын эмч, мэргэжилтнүүдэд мэдээлэл чиглэл өгчээ. Мөн орон нутгийн малчид, мал бүхий иргэдэд Мал амьтны эрүүл мэндийг хамгаалах, тэмцэх чиглэлээр хэрэгжүүлж буй арга хэмжээ, бодлогын талаар мэдээ мэдээлэл, малын эмийн зохистой хэрэглээний талаар зөвлөмж, зөвлөгөө өгч ажилласан байна.
