Юннаны монголчууд

БНХАУ-ын Бээжин хотноо ажиллаж амьдарч буй сэтгүүлч Б.Занданхүүгийн хөтөлдөг “Зандаагийн 3 минут” влогийн шинэ дугаарт Юннаны монголчуудын тухай өгүүлжээ. Тэрбээр энэхүү влогийнхоо өмнөтгөлд “Юннаны монголчуудаас гэгээг нь түүж нэг влог хиймэглэлээ. Долоон зууны тэртээ цэрэглэж очсон тэд минь дордож доройтох цагтаа тариачны хүрмэн дээрээ бамбай, жадыг бэлгэдсэн товч шилбэ хадаж, хожмоо тэр нь үндэсний хувцас нь гэгдэх болсноос эхлээд юу эсийг үзэж туулсан гэх вэ. Ийм нэг үзмэрийн хэдэн хүн Өмнөд Хятадын нүүгэл уулсын нугачаан дунд сүүдэртэн замхарч буй. Үүх түүх хийгээд өнөөдрийнх нь тухай дэлгэрэнгүй тэмдэглэл бичсэнээ “цаг нь ирэхэд” гаргаж үзүүлэмз. 2006 онд Зоошкагийнхаа хамт Чинхайн монголчуудын нутгаар явж ирээд гэрэл зургийн “уйтай” үзэсгэлэн дэлгэсэнд Бүргэд найз ихэд эмзэглэн “Бид үлдэх гэж чармайж байхад та нар үхүүлчихсэн юм шиг гашуудаад…” гэхэд нь сэхээ орж, ийм цаг үед тэднийхээ дундаас гэрэл түүх нь зөв юм байна даа гэж бодож байж билээ” хэмээн онцолжээ.