Төр засгийн болон орон нутгийн бодлого шийдвэрийн хяналт, байгууллагын хууль тогтоомжоор хүлээсэн чиг үүргийн хэрэгжилтийн байдалд дүн шинжилгээ хийж, зөвлөн туслах замаар бодлогын баримт бичиг, холбогдох хууль тогтоомж тогтоол шийдвэрийн хэрэгжилтийг эрчимжүүлэн үр өгөөжийг нэмэгдүүлэх, албан хаагчдын мэдлэгийг дээшлүүлэх зорилготой “Дотоод хяналт шалгалтын ажлын хэсэг” Дорноговь аймгийн Мал эмнэлгийн газрын даргын 2020 оны А/07 дугаар тушаалаар байгуулагдан ажиллаж байна.
Мал эмнэлгийн газрын дотоод хяналт шалгалтын ажлын хэсгийн ахлагч Захиргаа, санхүүгийн албаны дарга Г.Мөнхсарнай Айраг, Даланжаргалан, Хөвсгөл, Хатанбулаг, Замын-Үүд, Өргөн, Сайншанд сумдын мал эмнэлгийн тасгийн үйл ажиллагаанд дотоод хяналт шалгалт хийж, мэргэжил арга зүйн зөвлөгөөгөөр хангав. Мөн Мал эмнэлгийн ерөнхий газрын даргын нэрэмжит улсын үзлэгт бэлтгэж мал эмнэлгийн тасгуудад гадна хаяг, мэдээллийн самбар олгож, ерөнхий газраас хүлээлгэн өгсөн тавилга, техник тоног, төхөөрөмжийн ашиглалт хамгаалалтын байдалтай танилцаж ажиллалаа.
