Дорнод аймгийн залуучуудын үүсгэн байгуулсан “Дорнод ирээдүй” сангаас Чойбалсан хотын зорилтот бүлгийн иргэдэд зориулан 11000 ширхэг амны хаалт хандивлажээ. Уг хандивыг өнөөдөр Хэрлэн сумын Засаг дарга бөгөөд Чойбалсан хотын Захирагч О.Пүрэв-Очирт гардуулан өгсөн байна. Хандивын амны хаалтыг Хэрлэн сумын 11 багийн ажлын албаар дамжуулан зорилтот бүлгийн иргэдэд шуурхай хүргүүлэх юм.
Ташрамд дурдахад, Улаанбаатар хотод ажиллаж амьдарч буй Дорнод нутгийн залуучуудын үүсэл санаачилгаар байгуулагдсан “Дорнод ирээдүй” сан үйл ажиллагаагаа эхэлснээс хойших хугацаанд нутгийнхаа хүүхэд залуучуудын хөгжлийн төлөө томоохон ажлуудыг зохион байгуулж иржээ.
Эх сурвалж: “Шинэ суваг” тв
