УИХ-ын даргын дэргэдэх Зөвлөл өчигдөр онлайнаар хуралджээ. Хуралдаанд УИХ-ын Ерөнхий нарийн бичгийн дарга Л.Өлзийсайхан, Тамгын газрын Мэдээллийн технологийн хэлтсийн дарга Ж.Элбэгзаяа нар цахим болон онлайн хуралдааны бэлтгэл ажлын талаар танилцуулсан байна. УИХ-ын даргын дэргэдэх Зөвлөлийн гишүүд чуулганы нэгдсэн хуралдааныг ямар дэгээр, хэрхэн зохион байгуулах талаар санал солилцож онлайнаар буюу гишүүд Төрийн ордонд ирэлгүйгээр байгаа газраасаа хуралдаанд оролцохоор болсон юм.
Энэ дагуу өнөөдөр УИХ-ын намрын чуулганы ээлжит хуралдаан цахимаар болж Монгол Улсын 2021 оны төсвийн төслийн эцсийн хэлэлцүүлгийг хийж байна. Ийнхүү 2021 оны төсвийн тухай хуулийн төслийг баталснаар УИХ цахимаар хуралдаж хууль баталсан дэлхийн анхны парламент болно гэдгийг УИХ-ын дарга онцолжээ.
